السلام عليكم ..
إن قال لك احدهم لاتتميلح فهو يقصد لاتحاول أن تستخف دمك أو تلفت نظر الناس من خلال حركة او ربطة تضعا على عنقك او يدك او لبس شي مختلف سواء كان زين او شين ماتفرق اهم شي ان الناس تنكسر ارقابهم عشان يناضرونك.
هذا الواقع ينطيق بشكل او باخر على المهاجم السعودي (القناص)
ياسر القحطاني الذي يتميلح اثناء وبعد وقبل كل مباراة,ويجعلنا نستغرب ونتساءل عن الربطة الالذي يضعها بيده فهو في احدى المرات يضعها على كفة وفي الثانية على معصمه وفي الثالثة على رأسه وبانتضار ان يضعها على انفه او على خصره وصدق المثل الذي يقول(الزين مايكمل) وبالفعل ياسر قناص من نوع فيد ولاعب ماهر إلا انه يحاول لفت نظر المشاهدين و(المشاهدات)
من خلال ربط شي على يده اثناء المباراة او لبس شماغ احمر مختلف اثناء التدريبات والترزز امام عدسات المصورين يعني شوفوني وصوروني وإخواننا المصورين مايصدقون يصورونه على طول ويتم نشر هذة الصورة في كل الصحف وعلى صفحاتها الأولى وهو مايجعل القحطاني يتمادى في التميلح ويخترع حركات جديدة يلفت فيها نضر الجنسين ذكرا كان او انثى.
اكثر مايلفت أنظار المتابعين لإحدى القنوات الرياضيه الفضائيه ان المراسل الميداني سأل ياسر القحطاني عن السر في الربطة التي على يده بطريقة غير مباشرة حيث قال له "سلامات ياكبتن وش فيها يدك؟" عندها تلخبط القحطاني وقال لا مافيه شي,
طيب إذا مافه شي ليه هالربطة ياكبتن؟! وحنا بدورنا نقول لذلك المراسل تراك احرجت الكابتن وخله يتميلح على راحته ويلفت نظر الي يبي عشان يقولون عنه (حراااااام مايستاهل ياسر شكل يده تعوره عشان كذا مالعب زين).
